Convocatorias

Filtrar por...

  • Colectivo
  • Tema
  • Tipo de convocatoria
Temos dispoñibles para consulta 210 convocatorias
18/06/2019 | Formación

Nove bolsas de formación en proxectos de investigación no Centro Ramón Piñeiro

ORDE do 4 de xuño de 2019 pola que se aproban as bases reguladoras que rexerán o concurso público de nove bolsas de formación en proxectos de investigación que se están a desenvolver no Centro Ramón Piñeiro para a Investigación en Humanidades e se procede á súa convocatoria (código de procedemento PL500D).

PRAZO: O prazo de presentación de solicitudes remata o 18 de xullo de 2019
17/06/2019 | Premios e certames

Resolución dos proxectos de innovación educativa en dinamización lingüística 2018-2019

Resolución da convocatoria para a realización de proxectos de innovación educativa en dinamización lingüística para os centros docentes de titularidade da Consellería de Educación Universidade e Formación Profesional durante o curso académico 2018/2019

17/06/2019 | Premios e certames

III Concurso de booktrailers IES Pontepedriña

Xa coñecemos os vídeos gañadores do III Concurso de booktrailers do IES Pontepedriña, unha iniciativa que xurdiu hai tres cursos co fin de fomentar a lectura e a creación audiovisual en galego. Nesta terceira edición, o Equipo de Dinamización da Lingua Galega do instituto, en colaboración coa Secretaría Xeral de Política Lingüística, decidiu ampliar o certame ao alumnado de todos os centros de Galicia sostidos con fondos públicos. O traballo premiado na categoría de 12 a 15 anos foi a presentación da novela O que sei do silencio de Andrea Maceiras realizada por David López Lapeña (IES de Foz); na de 16 a 18 anos gañaron Artur Vázquez e Aarón Vilariño (IES Pontepedriña) con O xardineiro dos ingleses, de Marcos Calveiro. Parabéns!!!

17/06/2019 | Premios e certames

V Edición do Premio Literario Nortear

O prazo de recepción de orixinais remata o 28 de xuño de 2019.

29/05/2019 | Premios e certames

X Certame de Cinema OUFF Escola

A Concellería de Cultura do Concello de Ourense, en colaboración coa Secretaría Xeral de Política Lingüística, convoca o X Certame de Cinema OUFF Escola, dentro da 24ª edición do Festival de Cine Internacional de Ourense que se celebrará en 2019.

PRAZO: A inscrición deberá formalizarse antes do 2 de xullo de 2019
22/05/2019 | Premios e certames

I Premio de poesía "Camiño de Santiago"

A Academia Xacobea, en colaboración coa Dirección Xeral de Políticas Culturais e a Secretaría Xeral de Política Lingüística da Consellería de Cultura e Turismo da Xunta de Galicia, e co patrocinio de Ediciones Carena, convoca o I Premio de poesía "Camiño de Santiago" certame poético "Faise Camiño" co fin de divulgar o Camiño de Santiago e o fenómeno xacobeo.

PRAZO: 24 de agosto de 2019
20/05/2019 | Axudas

Subvencións para a edición en lingua galega de recursos didácticos curriculares

  • Orde do 3 de maio de 2019 de subvencións para a edición en lingua galega de recursos didácticos curriculares de niveis non universitarios Ligazón ao DOG
PRAZO: 20 de xuño de 2019
CÓDIGOS SEDE ELECTRÓNICA: PL400B
02/05/2019 | Formación

V Xornada do Día das Letras Galegas. Antonio Fraguas

A Secretaría Xeral de Política Lingüística da Consellería de Cultura e Turismo organiza, en colaboración co Centro Autonómico de Formación e Innovación (CAFI) da Consellería de Educación, a V Xornada do Día das Letras Galegas, que terá como protagonista o autor homenaxeado este ano pola RAG, Antonio Fraguas Fraguas.

24/04/2019 | Formación

Convocatoria de cursos preparatorios das probas para obter os certificados de lingua galega Celga 1, Celga 2, Celga 3 e Celga 4. Listaxes definitivas de persoas admitidas

Resolución do 4 de febreiro de 2019, da Secretaría Xeral de Política Lingüística, pola que se anuncia a convocatoria de cursos preparatorios das probas para obter os certificados de lingua galega Celga 1, Celga 2, Celga 3 e Celga 4

26/03/2019 | Premios e certames

Gañadores do Certame aRi[t]mar Galiza e Portugal 2018-2019

Esta iniciativa promovida pola Escola Oficial de Idiomas de Santiago de Compostela co apoio da Secretaría Xeral de Política Lingüística ten por obxectivo difundir a poesía e a música editadas en Galicia e en Portugal cada ano.