Antón Pulido recibe o III Premio Ágora de Orcellón
VolverO Instituto de Estudos Carballiñenses recoñece a traxectoria cultural do artista ourensán e dedícalle tamén un monográfico da súa revista
O Carballiño (Ourense), 27 de outubro de 2018.- O pintor, gravador, deseñador e xestor cultural Antón Pulido (Amoeiro, 1944) recibiu o III Premio Ágora de Orcellón, concedido polo Instituto de Estudos Carballiñenses en recoñecemento á excelente traxectoria que levou a obra do ourensán a unha manchea de museos e galerías de dentro e fóra de Galicia (entroutras, o Palau de la Virreina de Barcelona, a Galería de Arte Conde Duque e a Universidade Autónoma de Madrid, a Jia Art Gallery de Teipei (Taiwán), a Contemporany Art Fair de Beijing, a Shangay Art Fair 2008 da China, a Myoung Gallery e o KIAF/09 de Seúl ou a Embaixada de Exipto en Roma).
O acto, celebrado na Casa da Cultura, contou coa participación do secretario xeral de Política Lingüística, Valentín García.