Novas
-
28/05/2020 13:17
A Amtega abre mañá o prazo de inscrición no curso para obter a certificación galega de competencias dixitais en ofimática
Ofértanse 180 prazas neste curso de teleformación que comezará en setembro e rematará a finais de novembro, mes no que terá lugar o exame presencial
Os únicos requisitos necesarios son ser maior de 16 anos e estar dado de alta como persoa usuaria da rede CeMIT
No mes de outubro abriranse novas convocatorias de avaliación para aquelas persoas que xa posúan os coñecementos necesarios adquiridos por calquera outra vía ou por autoformación
O certificado, que emite a Amtega, acredita a capacitación en ofimática da persoa titular ante calquera instancia pública ou privada
-
27/05/2020 15:09
As probas de acreditación do Celga retoman o seu prazo de inscrición e adíanse a setembro e outubro
O Diario Oficial de Galicia publica hoxe o novo prazo de inscrición que estará aberto desde mañá ata o vindeiro 16 de xuño
Os exames realizaranse en Santiago de Compostela e en Ponferrada
-
23/05/2020 12:39
A Xunta abre o luns o novo fondo de proxectos culturais Xacobeo 2021 dotado inicialmente con 1,5 millóns de euros
O conselleiro de Cultura e Turismo informou hoxe desta medida prevista no Plan de Reactivación Cultural para incentivar a creación artística na crise sanitaria
Diríxese a proxectos de empresas, cooperativas, entidades sen ánimo de lucro e autónomos financiados ao 100% con achegas de ata 10.000 e 4.000 euros
Inclúe un amplo abano de iniciativas de música, audiovisuais, artes escénicas, dinamización da lingua, patrimonio, libro e turismo cultural, entre outros
O obxectivo é preservar a actividade e o emprego e xerar contidos de calidade a disposición dos galegos tanto de xeito virtual como presencialmente
-
17/05/2020 12:56
A Xunta súmase á homenaxe a Ricardo Carvalho Calero organizada pola RAG no Día das Letras Galegas
-
14/05/2020 13:18
A Xunta e a AGAL lanzan os proxectos divulgativos da figura, vida, obra e traxectoria de Ricardo Carvalho Calero
O Portal da Lingua Galega, o portal #aculturasegue o novo web Carvalho Calero 2020 ofrecen en aberto a exposición ‘A voz presente’, unidades didácticas dirixidas ao ensino primario e secundario, guías de lectura de ‘Scórpio’; audiovisuais e a imaxe icónica orixinal conmemorativa deste 2020 no que a RAG homenaxea ao polígrafo ferrolán
-
13/05/2020 12:42
A campaña 'Vai de Peixe' anima aos 'millennials' galegos a escribir relatos curtos sobre os produtos do mar mediante o concurso 'Vai de Letras'
Esta iniciativa, que coincide no seu lanzamento coa semana de celebración do Día das Letras Galegas, pretende incentivar a creatividade da xente nova e ampliar o seu coñecemento sobre os recursos mariños de Galicia
A iniciativa está dirixida ás mozas e mozos de entre 18 e 35 anos residentes en Galicia, que poderán participar neste certame ata o vindeiro 28 de maio
Terán que crear un relato curto en galego de 150 palabras e relacionado coa temática de ‘Vai de Peixe’ a partir da frase de inicio “Queremos a vida como queremos o peixe, sen espiñas, pero...”
O autor da mellor peza narrativa recibirá como premio un lote de libros e un teléfono móbil intelixente
-
12/05/2020 12:37
Os proxectos ‘Recordando Carvalho Calero’ e ‘Unha vida polo galego’ locen xa no Portal da Lingua Galega
O CEIP Xesús San Luís Romero de Carballo e o IES Ferrol Vello de Ferrol gañaron o Concurso-Exposición Letras Galegas 2020 convocado pola Xunta de Galicia
Difúndeos desde www.lingua.gal e anima a todos os centros de ensino, institucións, asociacións, concellos e colectividades que participan na festa grande da lingua galega a compartilos desde as súas canles dixitais
-
12/05/2020 12:23
As bibliotecas públicas da Xunta súmanse á programación online conmemorativa do Día das Letras Galegas
Exposicións virtuais e iniciativas en redes son as propostas destes equipamentos culturais para homenaxear ao escritor ferrolán Ricardo Carvalho Calero
Estas actividades enmárcanse nas actividades dixitais deseñadas pola Consellería de Cultura e Turismo na campaña #aculturasegue
-
10/05/2020 12:43
A Xunta impulsa a programación máis dixital polo Día das Letras Galegas para renderlle tributo a Carvalho Calero
Eventos virtuais, festivais e proxectos expositivos, audiovisuais, literarios, académicos e escolares enchen Internet para achegarlle á cidadanía a figura, obra e vida do autor homenaxeado este ano pola Real Academia Galega (RAG)
O Portal da Lingua Galega ofrece en aberto ferramentas e materiais dos proxectos conmemorativos deseñados en colaboración coas entidades, empresas e institucións que participan na celebración da festa grande da lingua galega
-
07/05/2020 20:12
A Xunta presenta o Plan de reactivación cultural autonómico como un motor para o sector no horizonte próximo
Román Rodríguez deu a coñecer nun webinar no que se inscribiron máis de 600 profesionais os obxectivos e o catálogo de investimentos do plan e subliñou que “a recuperación da cultura é un reto compartido entre todos no que Galicia estará a altura”
O conselleiro destacou a importancia de apoiarse no Xacobeo 2021 como panca para a recuperación e detallou investimentos para proxectos culturais, adquisición de obras de arte, e apoio ao sector escénico e musical dotados con 3,2M€
Galicia é a primeira Comunidade que aproba no seu Consello de Goberno unha folla de ruta cara a nova normalidade para as industrias culturais e turísticas