Programa cultural de dinamización lingüística centrado nas temáticas do patrimonio oral (mitoloxía), a prehistoria, o patrimonio e o papel da lingua galega como vehículo de socialización, de endoculturación e de transmisión interxeracional da cultura. Este proxecto está planificado dende un punto de vista multidisciplinar, de xeito que integre obradoiros de arqueoloxía experimental, obradoiros de creación artística, actividades divulgativas sobre o patrimonio oral galego e outras actividades de lecer e culturais nas que o papel da lingua galega é o protagonista para crear novos ámbitos de socialización en galego e favorecer unha asociación positiva coa nosa lingua. O programa está orientado, fundamentalmente, a nenos e nenas de 4 a 12 anos e ás familias e pensado para desenvolver na parroquia de Doade e, sobre todo, no Museo Etnogáfico Casa do Patrón.

CONTACONTOS E OBRADOIRO

22-xullo -17.00 h “Contos na Aurela” (Polo Correo do Vento)

Museo Etnográfico Casa do Patrón. Lalín

OBRADOIROS ARQUEOLOXÍA EXPERIMENTAL

05-agosto -17.00 h “Descubre a cerámica neolítica” (Rafael Quintía e Pilar Silva).

05-agosto -18.30 h “Arte aborixe. Descubre os misterios da arte prehistórica e tribal”

(Rafael Quintía e Pilar Silva).

FALADOIROS A CARÓN DO LUME

17-setembro -12.00 h “O Mito da Moura: a creadora do mundo”

(Rafael Quintía Pereira, antropólogo).

No salón de actos da Casa do Patrón.

01-outubro -12.00 h “A Vella” (Lidia Mariño, investigadora da mitoloxía).

Na aldea de Codeseda.

05-outubro -12.00 h “Mouros galegos: o feito diferencial”

(Buenaventura Aparicio Casado, historiador).

No IES Laxeiro, de Lalín.

EXPOSICIÓN INTERACTIVA

15-outubro -12.00 h “Viaxe no tempo visitando unha casa castrexa”

(Ab Origine. Antropoloxía S.L.L.).