A Fundación Xosé Neira Vilas, en colaboración coa Secretaría Xeral de Política Lingüística, convoca a primeira edición deste certame literario que ten como finalidade estimular a creación literaria, fomentar a lectura en lingua galega e proporcionarlle a nenos, adolescentes e público en xeral obras de referencia que lles permitan achegarse ao engaiolante mundo da novela.

Orde do 15 de xullo de 2019 pola que se establecen as bases que rexen o programa Xuventude Crea e se procede á súa convocatoria para o ano 2019

Corrección de erros da Resolución do 18 de xuño de 2019, da Secretaría Xeral de Política Lingüística, pola que se conceden as axudas aos proxectos de fomento do uso do galego dos centros de titularidade pública de Galicia que imparten ensinanzas regradas de niveis non universitarios, para o curso escolar 2018/19 (código de procedemento PL500A)

Resolución da VIII edición dos premios a curtas de animación en galego elaboradas no marco do programa de dinamización lingüística Nós tamén creamos! da Secretaría Xeral de Política Lingüística e da Dirección Xeral de Educación, Formación Profesional e Innovación Educativa, en colaboración coa Corporación de Radio e Televisión de Galicia e mais con OQO editora.

Resolución da convocatoria para a realización de proxectos de innovación educativa en dinamización lingüística para os centros docentes de titularidade da Consellería de Educación Universidade e Formación Profesional durante o curso académico 2018/2019

Xa coñecemos os vídeos gañadores do III Concurso de booktrailers do IES Pontepedriña, unha iniciativa que xurdiu hai tres cursos co fin de fomentar a lectura e a creación audiovisual en galego. Nesta terceira edición, o Equipo de Dinamización da Lingua Galega do instituto, en colaboración coa Secretaría Xeral de Política Lingüística, decidiu ampliar o certame ao alumnado de todos os centros de Galicia sostidos con fondos públicos. O traballo premiado na categoría de 12 a 15 anos foi a presentación da novela O que sei do silencio de Andrea Maceiras realizada por David López Lapeña (IES de Foz); na de 16 a 18 anos gañaron Artur Vázquez e Aarón Vilariño (IES Pontepedriña) con O xardineiro dos ingleses, de Marcos Calveiro. Parabéns!!!

O prazo de recepción de orixinais remata o 28 de xuño de 2019.