ORDE do 30 de novembro de 2021 pola que se anuncia a convocatoria de subvencións para a presentación de proxectos de fomento do uso do galego dos centros de titularidade privada de Galicia que imparten ensinanzas regradas de niveis non universitarios, para o curso escolar 2021/22 (código de procedemento PL500B).

ORDE do 30 de novembro de 2021 pola que se anuncia a convocatoria de axudas para a presentación de proxectos de fomento do uso do galego dos centros de titularidade pública de Galicia que imparten ensinanzas regradas de niveis non universitarios, para o curso escolar 2021/22 (código de procedemento PL500A).

Resolveuse o IV Certame de Podcasts en Galego Xosé Mosquera Pérez, o Vello dos Contos, organizado, coa colaboración da Secretaría Xeral de Política Lingüística da Xunta de Galicia, polo IES Plurilingüe Rosalía de Castro de Santiago de Compostela, Arraianos Producións e o colectivo Ponte ... nas Ondas!

O Certame de Cinema OUFF Escola é unha iniciativa da Concellería de Cultura do Concello de Ourense, en colaboración coa Secretaría Xeral de Política Lingüística.

Resolución da Secretaría Xeral de Política Lingüística e da Secretaría Xeral de Educación e Formación Profesional da Consellería de Cultura, Educación, Formación Profesional e Universidades pola que se conceden os premios do Concurso de Curtas Senda Litoral de Galicia

O certame, convocado pola conta de Instagram ‘Arquivo das Trasnas’, conta coa colaboración da Secretaría Xeral de Política Lingüística e das editoriais Cuarto de Inverno e Galaxia, e xorde dous anos despois do nacemento da conta de difusión de literatura galega nas redes e apenas uns días despois de que esta se fixese co Premio Follas Novas na categoría de proxecto literario na rede.

A Asociación Agadea Alzhéimer, en colaboración coa Secretaría Xeral de Política Lingüística e outras entidades, convoca a primeira edición dun certame literario destinado a concienciar a sociedade sobre a enfermidade do alzhéimer e outras doenzas varias que comparten a deterioración cognitiva e a perda da memoria e da identidade.

No mes de maio de 2020, a crise sanitaria ocasionada polo COVID-19 fixo que o Padroado da Fundación Antonio Fraguas Fraguas acordase o adiamento da XII edición do Proxecto Didáctico que se ía desenvolver no bienio 2020-2021. Controlada a pandemia, e á luz dos novos protocolos aprobados polas autoridades para as actividades educativas e culturais, o Padroado da Fundación aprobou por unanimidade na xuntanza celebrada o pasado mes de decembro, convocar a XII edición do Proxecto Didáctico Antonio Fraguas Fraguas no bienio 2022-2023 co patrocinio da Secretaría Xeral de Política Lingüística.

O Concello de Mondoñedo, en colaboración coa Consellería de Cultura, Educación e Universidade e coa Casa Museo Álvaro Cunqueiro, convoca este certame coa finalidade de promover a escrita literaria en lingua galega e divulgar os seus autores e autoras.

aRi[t]mar é un proxecto da Escola Oficial de Idiomas de Santiago de Compostela en colaboración coa Secretaría Xeral de Política Lingüística, que busca divulgar a música e a poesía galego-portuguesa actuais e achegar a cultura e a lingua dos dous territorios, no marco da Lei Valentín Paz-Andrade para o aproveitamento do ensino do portugués e os vínculos coa lusofonía.