O EDLG do Carballal continúa a súa tradición (e xa van 9 anos!) de dar a coñecer a figura homenaxeada nas Letras Galegas mediante a marabillosa idea de compoñer e instrumentar letras acerca dela.

Como non podía ser doutro xeito, esta vez trátase da canción titulada "Don Paco" que nos conta os principais trazos da biografía de Fernández Del Riego. No videoclip o alumnado canta e interpreta a coreografía da versión discotequeira de "Killing me softly with his song" que crearon, baseándose outra volta nun éxito de 1973, ano da fundación do colexio, que segue festexando o seu 50 aniversario.