Volver

Premios aRi(t)mar 2020

Resultados das votacións de aRi[t]mar 2020

Finalizado o proceso de votación dos poemas finalistas do certame aRi[t]mar galiza e portugal, os gañadores foron o galego Carlos Da Aira, polo poema “Nas noites de luar” (Prender os fachos, compoñer os ósos, Espiral Maior, 2019), e a portuguesa Raquel Lima, por “Liberdade mais cruel” (Ingenuidade Inocência Ignorância, Animal Sentimental e BOCA - palavras que alimentam, Lda, 2019).

As seguintes clasificadas foron Tamara Andrés (Galiza), por “No medio desta paisaxe”, e Filipa Leal(Portugal), por “Projecto político 3: El Corte Inglés” e, en terceiro lugar, Olga Novo (Galiza), por “Síndrome de Stendhal” e José Manuel Neves (Portugal) con “E se fosse proibido abraçar”.

Os preto de cinco mil votos do público emitidos no certame aRi[t]mar galiza e portugal promovido pola Escola Oficial de Idiomas de Santiago de Compostela co apoio da Secretaría Xeral de Política Lingüística determinaron que a gañadora e o gañador polo mellor tema musical publicado en Galiza e en Portugal en 2019 son, respectivamente, Sabela, con "Despedida" e António Zambujo, con "Catavento da Sé".

Os seguintes temas máis votados, nos segundos postos, foron os de Guadi Galego por "Balada de verán" e Miguel Araújo con "Talvez se Eu Dançasse"; e os terceiros Baiuca (GZ) por "Fisterra", e Isaura con "Uma Frase Não Faz a Canção".

​Estes premios, xunto cos de poesía e o do embaixada da amizade, entregaránselles a artistas e poetas gañadores na Gala aRi[t]mar 2020.