Volver

Mostra de Entroido Lamas de Abade

Centro: CIFP Compostela, CEEPR Aspanaes-Duques de Lugo, CEIP Lamas de Abade, EI Raiola, IES Lamas de Abade, CEIP Apóstolo Santiago, Santiago de Compostela (A Coruña); CEIP Pérez Viondi, A Estrada (Pontevedra), CEIP Santa María a Real, Entrimo (Ourense)
Curso: 2022-2023

A Mostra do Entroido Lamas de Abade iniciou a súa andaina no curso 2013/2014 e seguiuse desenvolvendo de xeito ininterrompido ata a actualidade. Ao longo deste tempo, abordou a tradición do Entroido galego desde nove perspectivas diferentes e xenuínas (os xenerais da Ulla de Couso-A Estrada, Viana do Bolo-Vilariño de Conso, Cobres-Vilaboa, Laza, Santiago de Arriba-Chantada, Verín, Bande, Arcos-Mazaricos e Lobios).

A edición deste ano estará centrada na celebración de Entrimo e, alén de participar unha ampla representación dos centros organizadores, tamén acudirán docentes e alumnado do CEIP Santa María a Real da localidade ourensá. A comitiva estará acompañada pola agrupación Abadiño Son, formación de música tradicional integrada por estudantes e docentes dos centros organizadores.

Poderase seguir por streaming desde calquera dispositivo con conexión a Internet a través desta ligazón.