Entre as distintas actividades desenvolvidas no CEIP Vilaverde-Mourente co gallo do Día de Rosalía cómpre salientar a lectura continuada da súa obra na biblioteca por parte do alumnado de 2º a 6º de primaria. Alén diso, o alumnado de 4 anos, 5 anos e 1º de primaria interpretou o poema "Paseniño" nun acto conxunto no patio. Ao remate da lectura e do recitado plantáronse pensamentos, a flor favorita de Rosalía, no xardín.