FALAREDES 2018
Os Bolechas e o amigo Monte
Os Bolechas volven este verán ao FalaRedes. Estarán en 21 concellos da Rede de Dinamización Lingüística para concienciar os máis novos no respecto á natureza.
Tatá, Sonia, Braulio, Loli, Pili e Carlos vivirán a canda os nenos e nenas de 21 concellos da Rede de Dinamización Lingüística unha nova e divertida aventura que servirá, ademais de para pasalo ben, para mostrarlles aos máis pequenos a importancia de coidarmos o monte e a maneira de facelo, iniciándoos na prevención dos incendios forestais. O obxectivo é fomentar, a canda a educación ecolóxica dos cativos e cativas, a súa participación en galego na resolución do conflito proposto no guión. Para iso, Os Bolechas solicitarán a intervención do público en probas de habilidade axeitadas para rapaces de 3 a 9 anos e establecerán un diálogo cos nenos e nenas acerca do monte, da súa fauna e da súa flora.
Para que a actividade de dinamización lingüística teña continuidade máis alá do día do espectáculo, os asistentes a el obterán unha palabra clave que lles permitirá acceder ao web www.osbolechas.gal/amigomonte/, onde atoparán diversos contidos (xogos, diplomas, unidades didácticas...) e poderán participar en sorteos de lotes de libros.
Axenda de FalaRedes 2018. Os Bolechas e o amigo Monte | |||
---|---|---|---|
Data e hora | Lugar | Concello | Provincia |
Sábado 16 de xuño, 12:00 horas | Casa da Cultura Poeta Lois Pereiro | Monforte de Lemos | Lugo |
Sábado 16 de xuño, 19:00 horas | Teatro Lauro Olmo | O Barco de Valdeorras | Ourense |
Domingo 17 de xuño, 12:00 horas | Casa da Cultura | Corcubión (en colaboración coa Mancomunidade de Concellos da Comarca de Fisterra) | A Coruña |
Domingo 17 de xuño, 18:00 horas | Auditorio Municipal | Cabana de Bergantiños | A Coruña |
Sábado 23 de xuño, 12:00 horas | Auditorio Constante Liste (da Ramallosa) | Teo | A Coruña |
Sábado 30 de xuño, ás 12:00 horas | Casa da Cultura | Lousame | A Coruña |
Sábado 30 de xuño, ás 18:30 horas | Centro Cívico dos Mallos | A Coruña | A Coruña |
Domingo 1 de xullo, 18:00 horas | Centro Cultural do Picouto | Ramirás | Ourense |
Sábado 7 de xullo, ás 12:30 horas | Biblioteca Pública Municipal (Hospital do Santo Espírito) | Baiona | Pontevedra |
Sábado 7 de xullo, ás 20:00 horas | Casa da Cultura de Riomaior | Vilaboa | Pontevedra |
Domingo 8 de xullo, ás 12:30 horas | Centro Sociocultural M. Díaz Sampedro | Barreiros | Lugo |
Domingo 8 de xullo, ás 20:00 horas | Casa da Xuventude | Mondoñedo | Lugo |
Sábado 14 de xullo, ás 20:00 horas | Auditorio Municipal | Cangas | Pontevedra |
Domingo 15 de xullo, ás 19:30 horas | Auditorio Municipal | Chantada (en colaboración co Consorcio de Turismo da Ribeira Sacra) | Lugo |
Sábado 21 de xullo, ás 18:00 horas | Centro Cultural de Romai | Portas | Pontevedra |
Domingo 22 de xullo, 12:30 horas | Centro Cultural Gonzalo Torrente Ballester | Ferrol | A Coruña |
Mércores 25 de xullo, ás 18:00 horas | Centro Sociocultural de Galegos | Frades | A Coruña |
Sábado 28 de xullo, ás 12:00 horas | Salón de actos do Concello | Bande | Ourense |
Sábado 28 de xullo, ás 19:30 horas | Pavillón polideportivo | Oímbra | Ourense |
Domingo 29 de xullo, 12:30 horas | Edificio de Servizos Múltiples | Coristanco | A Coruña |
Domingo 29 de xullo, 19:30 horas | Multiúsos Terra do Queixo | Arzúa | A Coruña |