FALAREDES 2020
O que levamos nas maletas
Magín Blanco, o coñecido cantante de música infantil que xa ten participado con éxito no FalaRedes con A nena e o grilo, A nena e o grilo nun barquiño ou A nena e o grilo máis aló, volve ao noso programa de dinamización lingüística cun percorrido musical e lúdico para nenos e nenas a partir dos 3 anos centrado nas súas últimas cancións.
Ao longo do concerto, das maletas do músico irán xurdindo obxectos (monicreques, monecos, ferramentas, instrumentos de percusión…) que introducirán cada peza e convidarán a cativada a participar. Dende as cancións "O meu país" ou "Aquí estamos", onde se presenta a realidade como parte dun conto, ata "O hipnotizador" ou " Os esqueletos", máis oníricas e circenses, vanse sucedendo escenas que convidan a percibir o mundo como un universo máxico cheo de sensacións amables coas que gozar da música en familia.
| Axenda de FalaRedes 2020. O que levamos nas maletas | |||
| Data e hora | Lugar | Concello | Provincia |
| 25 de outubro, ás 18:00 horas | Salón de actos do Edificio Multiúsos | Santa Comba | A Coruña |
| 31 de outubro, ás 18:00 horas | Auditorio Municipal | Gondomar | Pontevedra |
| 1 de novembro, ás 18:00 horas | Casa da Cultura | Silleda | Pontevedra |
| 6 de novembro, ás 18:00 horas | Centro Social e da Terceira Idade | A Baña | A Coruña |
| 8 de novembro, ás 18:00 horas | Auditorio Municipal de Cerdedo | Cerdedo-Cotobade | Pontevedra |
| 15 de novembro, ás 18:00 horas | Auditorio Municipal de Valga | Valga | Pontevedra |
| 22 de novembro, ás 12:00 horas | Museo do Mar | Vigo | Pontevedra |