Ninguén coñecía os camiños mellor ca os arrieiros. Estes eran, na súa maioría, homes, pero Atenea García (narradora) e Nicolás Zamorano (músico) vannos presentar unha arrieira coñecedora dos vieiros e das súas xentes. A arrieira, no seu percorrido, tiña atopado historias de vida, seres míticos, lavandeiras e afiadores e, coma un tesouro, fora gardando todos eses saberes e sentires na súa memoria. Había quen dicía que pedía contos a cambio de cantares: "Regáloche unha cantiga se me contas un conto". Así o cesto da arrieira cargábase de historias recollidas nos carreiros. Os contos que recollera, contábaos, pero facía ben tempo que collera por costume facer uso das licenzas poéticas, por iso ás veces lle daba a volta ás historias que sentira, narrándoas ao seu xeito.

 

Axenda de FalaRedes 2020. Arrieira
Data e hora	Lugar	Concello	Provincia
22 de outubro, ás 17:30 horas	Aula de lectura da Biblioteca	Dodro	A Coruña
28 de outubro, ás 18:00 horas	Casa da Cultura	O Grove	Pontevedra
29 de outubro, ás 18:30 horas	Centro Cultural	Oroso	A Coruña
30 de outubro, ás 16:30 horas	Casa da Cultura	Cospeito	Lugo
8 de novembro, ás 12:30 horas	Casa da Cultura	Neda	A Coruña
20 de novembro, ás 18:00 horas	Casa da Cultura	Padrón	A Coruña
25 de novembro, ás 10:30 horas	En liña: https://apontestudio.com/escenario/#clip=3qcx0fpu12as	Ribeira	A Coruña
25 de novembro, ás 17:30 horas	Auditorio Municipal	Cerceda	A Coruña