O programa de dinamización lingüística FalaRedes incorpora, con Menú de refectorio, unha nova peza de teatro de monicreques. Trátase dunha proposta de Viravolta Títeres que se sitúa nun mosteiro. Alí os monxes, mentres preparan a mesa para o xantar, conversan sobre personaxes literarios do Renacemento cuxas accións dramáticas toman forma a través dos elementos da vaixela que hai sobre a mesa.

Menú de refectorio estará este outono en sete concellos da Rede de Dinamización Lingüística: A Peroxa, Salceda de Caselas, Miño, Ribas de Sil, Coristanco, Guitiriz e Ponte Caldelas.

 

Axenda de FalaRedes 2021. Menú de refectorio
Data e hora	Lugar	Concello	Provincia
Venres 15 de outubro, ás 18:00 horas	Auditorio	Salceda de Caselas	Pontevedra
Domingo 24 de outubro, ás 12:00 horas	Edificio de Servizos Múltiples	Coristanco	A Coruña
Domingo 31 de outubro, ás 12:00 horas	Auditorio	A Peroxa	Ourense
Venres 5 de novembro, ás 20:00 horas	Colexio	Ponte Caldelas	Pontevedra
Sábado 13 de novembro, ás 12:00 horas	Local Social A Rúa	Miño	A Coruña
Sábado 20 de novembro, ás 18:30 horas	Biblioteca da Casa Habaneira	Guitiriz	Lugo
Domingo 21 de novembro, ás 19:00 horas	Salón de actos da Casa do Concello	Ribas de Sil	Lugo