FALAREDES 2018
Señora que pasea pola rúa con dous cans preciosos
En abril e maio FalaRedes réndelle homenaxe á autora a quen se lle dedica este 2018 o Día das Letras Galegas: María Victoria Moreno. Faino coa peza teatral Señora que pasea pola rúa con dous cans preciosos, un percorrido pola vida e a obra da escritora, que se definía a si mesma coas palabras que lle dan título á obra.
Señora que pasea pola rúa con dous cans preciosos está dirixida a todos os públicos a partir dos 14 anos e chegará durante abril e maio a 9 concellos da Rede de Dinamización Lingüística. Haberá, ademais, un pase especial para o alumnado do instituto de Vilalonga (Sanxenxo) por ser este un dos centros onde impartiu docencia María Victoria Moreno, docente apaixonada co seu traballo e co seu alumnado e escritora de literatura infantil e xuvenil.
Axenda de FalaRedes 2018. Señora que pasea pola rúa con dous cans preciosos | |||
---|---|---|---|
Data e hora | Lugar | Concello | Provincia |
20 de abril, 12:00 | IES de Vilalonga | Sanxenxo | Pontevedra |
20 de abril, 21:00 | Auditorio do Pazo Emilia Pardo Bazán | Sanxenxo | Pontevedra |
21 de abril, 19:30 | Auditorio Municipal "Ángel Cocho" da Casa da Cultura | Xinzo de Limia | Ourense |
27 de abril, 21:00 | Salón García | Vilagarcía de Arousa | Pontevedra |
28 de abril, 20:00 | Casa da Cultura de Camporrapado | Boqueixón | A Coruña |
29 de abril, 19:00 | Auditorio Municipal de Valga | Valga | Pontevedra |
1 de maio, 19:00 | Teatro Pastor Díaz | Viveiro | Lugo |
4 de maio, 21:00 | Casa da Cultura Ramón Martínez López | Boiro | A Coruña |
5 de maio, 21:00 | Teatro "Coliseo Noela" | Noia | A Coruña |
6 de maio, 18:00 | Auditorio Municipal do Carballiño | O Carballiño | Ourense |