21 días co galego e + é un programa impulsado pola Consellería de Cultura, Educación e Universidade a través da Secretaría Xeral de Política Lingüística. A súa finalidade é promover o uso do galego oral entre a xente nova. Nesta cuarta edición desenvólvese desde o 1 ata o 21 de febreiro de 2022.

Tras a paréntese do ano pasado, motivada pola crise da covid-19, volve Nadal en Rede co seu programa de actividades para celebrarmos as festas en galego dirixido a todos os públicos, pero especialmente á xente miúda da casa.

Retomamos, tras a obrigada parada que supuxo a pandemia, o programa de promoción da lingua galega Toponimízate. Falámosche dos nomes da túa terra. A acción enmárcase nos proxectos Toponimia de Galicia e GeoArpad, impulsados ambos os dous desde a Xunta de Galicia, e coordinarase desde a Real Academia Galega (RAG) en colaboración coa Secretaría Xeral de Política Lingüística.

Tras o verán de 2020, marcado polas restricións derivadas da pandemia de covid-19, volve O galego campa!, o programa da Secretaría Xeral de Políltica Lingüística e da Dirección Xeral de Xuventude, Participación e Voluntariado destinado a favorecer o uso do galego nos campamentos de verán da Xunta de Galicia e mais a facilitarlle ao monitorado formación e recursos para o desenvolvemento de dinámicas que animen os rapaces e rapazas a se expresar nesta lingua, de acordo coas liñas de traballo que se establecen no Plan de Dinamización da Lingua Galega na Mocidade 2019-2022.

Bota a andar a terceira edición de 21 días co galego e +, un programa impulsado pola Consellería de Cultura, Educación e Universidade a través da Secretaría Xeral de Política Lingüística. A súa finalidade é promover o uso do galego oral entre a xente nova. Nesta edición desenvolverase desde o 22 de febreiro ata o 14 de marzo de 2021.

Lingua de namorar é un concurso en liña de mensaxes de amor en lingua galega dirixido a todos os mozos e mozas de 14 a 35 anos.

Resolución da IX edición dos premios a curtas de animación en galego elaboradas no marco do programa de dinamización lingüística Nós tamén creamos! da Secretaría Xeral de Política Lingüística e da Dirección Xeral de Educación, Formación Profesional e Innovación Educativa, en colaboración coa Corporación de Radio e Televisión de Galicia e mais con OQO editora.

Un ano máis, Os Bolechas volven levar a ilusión de Nadal aos concellos da Rede de Dinamización Lingüística cun espectáculo para os máis pequenos da casa (nenos e nenas entre 3 e 9 anos) e as súas familias.