Volver

#ACULTURASEGUE

Tesouros vivos no Camiño de Inverno. Antaxurada

Iniciativa realizada ao abeiro do Fondo de Proxectos Culturais Xacobeo 21.

A UNESCO chámalles "tesouros vivos" a testemuñas de vida relevantes, portadoras de saberes de alta sigificación para a comunidade ou de manifestacións humanas en perigo de desaparecer e que posúen en sumo grao os coñecementos e técnicas precisas para interpretar ou recrear determinados elementos do patrimonio cultural inmaterial.

Antaxurada achégase a distintos puntos do Camiño de Inverno para ofrecernos unhas serie documental de 5 capítulos con cadansúa entrevista a uha persoa significativa en relación ao territorio e ao patrimonio cultural inmaterial galego, co fin de darnos a coñecer de primeira man a historia e a cultura da nosa contorna. Cada audiovisual vai acompañado dunha proposta que persegue facilitar o labor de traballadoras e traballadores do ámbito cultural.

Ana López

Ana López preséntanos o oficio de polbeira e cóntanos anécdotas e experiencias das feiras ás que acudiu para desenvolvelo.

Celso Fernández Sanmartín

O contador Celso Fernández Sanmartín fálanos do seu oficio e da importancia da familia de da veciñanza como fonte de historias.

Esther Teixeiro

Esther Teixeiro explícanos como era a viticultura e a produción de viño na Ribeira Sacra. Moito traballo, pero tamén moitos momentos de diversión...

Josefina Pereira

Da man de Josefina Pereira chégannos lendas e historias arredor do Pico Sacro e de Gundián.

Amparo Montenegro

Desde San Vitoiro (Quiroga), Amparo Montenegro fala do Meco e das pampórnigas na romaxe dos Remedios.