Volver

#ACULTURASEGUE

25 pontes. Ronsel de ideas

Iniciativa realizada ao abeiro do Fondo de Proxectos Culturais Xacobeo 21.

Proxecto de dinamización do patrimonio cultural inmaterial galego a través de pezas interactivas e audiovisuais, así como de posta en valor deste patrimonio no marco da presentación da iniciativa Ponte... nas Ondas! (PNO) á lista de Mellores Prácticas da UNESCO. De feito, o fío condutor da proposta é o traballo da mencionada asociación cultural e pedagóxica ao longo dos seus vinte e cinco anos de actividade.

Cada peza interactiva centra a atención nun elemento do patrimonio inmaterial (Entroido, lendas, refráns, contos, recitados, colleitas, vocabulario do mar, magosto, regueifas, xogos tradicionais, danza, vendima, fiadeiros, oficios tradicionais, emigración, vivencias persoais de acontecementos históricos etc). Estas pezas vense complementadas por materiais adicionais para afondar no foco que se divulga en cada ocasión. Ademais, unha  peza audiovisual levaranos no tempo a través do traballo divulgativo da asociación PNO. O proxecto inclúe tamén adaptacións e guía de suxestións didácticas para a utilización no ámbito escolar.

Os materiais, en galego, contan con tradución ao portugués e parte deles, ao español e ao inglés.

Presentación

Lista completa de vídeos