Volver

#ACULTURASEGUE

Os Bolechas en lingua de signos

Os capítulos da coñecida serie dos Bolechas están desde hoxe no Portal da Lingua Galega con subtítulos en lingua de signos para resultaren accesibles a persoas xordas ou con discapacidade auditiva.

Así, avánzase un pasiño máis nunha das principais demandas das persoas con discapacidade, que reclaman accesibilidade aos medios audiovisuais. Algo especialmente importante na infancia para alcanzar os obxectivos de calidade de vida e de plena igualdade de oportunidades.

Desde hoxe todos os nenos e nenas poden gozar da súa serie favorita e aprender coas aventuras de Carlos, Pili, Loli, Braulio, Sonia, Tatá e Chispa.

Estes materiais audiovisuais complétanse coa guía didáctica. Os Bolechas. A lingua de signos, destinada a explicarlles a todos os nenos e nenas galegos en que consiste a lingua de signos e a aprenderlles algúns rudimentos dela que permitan un achegamento maior á comunidade de persoas xordas.

Tanto os vídeos coma a guía son froito da colaboración entre a Secretaría Xeral de Política Lingüística e a Federación de Asociacións de Persoas Xordas de Galicia.