Estrelas dormen, Voga valente, Vou navegar, Entre o mar e esta bañeira e Mergullo son as cancións orixinais dos novos Axóuxeres, que María Torres e Gonçalo Guerreiro interpretan en directo acompañados polos músicos Mano Panforreteiro e Dani Pais, e que recolle o cedé homónimo, no que tamén se poden escoitar brinquedos e adiviñas infantís.

Velaquí, para que as escoites co teu bebé ou llas cantes, todas as cancións do programa de transmisión familiar da lingua galega Os Axóuxeres! dende a súa primeira edición.

Programa de dinamización lingüística orientado á transmisión interxeracional do galego Os Axóuxeres incluíu unha serie de televisión que emitiu a Televisión de Galicia e que aínda se pode ver no seu web.

Os nove meses de xestación son unha etapa de cambios, de ilusión e, asemade, de certa inseguridade e inquedanza, porque intuídes que a chegada dun bebé cambiará as vosas vidas.