Esta guía de recursos para a inclusión está dirixida a persoas que exercen o labor de mediación lectora -familias, persoal de bibliotecas e profesorado dos centros educativos- e é froito do esforzo dun grupo de traballo da Asociación Galega do Libro Infantil e Xuvenil, GÁLIX, por dar a coñecer materiais e recursos que se presentan en galego, co fin de normalizar o uso da lingua propia de Galicia en todo tipo de condicións.

A obra está estruturada seguindo estes epígrafes:

• Audiolibros
• Libros con pictogramas
• Libros de lectura fácil
• Libros en braille
• Libros de texto
• Abecedarios, dicionarios visuais, libros duros, con bordes tallados, con textura, álbums ilustrados
• Xogos e xoguetes
• Libros sobre desigualdade e diversidade.