Actividade do Centro de Estudos Galegos da Universidade do Minho (Portugal) e o grupo musical Canto d'Aquí, co apoio do Municipio de Braga e da Xunta de Galicia.

O Centro de Estudos Galegos da Universidade do Minho (Portugal) e o grupo musical Canto d'Aquí organizan un ano máis estas converxencias destinadas a estreitar os lazos culturais entre as comunidades galega e portuguesa a través da unión entre voces e músicas, danza, teatro, cinema, coloquios, faladoiros e poesía, nun encontro que nesta décima edición terá actividades en Braga, Padrón, Ponteareas, A Estrada, Santiago de Compostela.

Do 3 de febreiro ao 9 de marzo.