Os equipos de Dinamización da Lingua Galega do IES Castelao e da Escola Oficial de Idiomas de Vigo xunto coa Biblioteca Municipal Neira Vilas convocan o III Concurso Ollo de Vidro. Este concurso enmárcase dentro do proxecto Recoméndoche un libro iniciado hai tres anos co obxectivo de dinamizar a lingua galega e animar á lectura. Este ano, entre as entidades colaboradoras figura tamén o Festival de Cans, onde se presentarán os vídeos gañadores.

Poderán participar no concurso todas aquelas persoas e colectivos que o desexen, enviando un vídeo a recomendocheunlibro@gmail.com. Os traballos audiovisuais non deberán superar os 3 minutos de duración e terán que estar en galego. O prazo para presentar os traballos finaliza o 23 de abril.