Este proxecto é unha iniciativa do colectivo LEMOS LE do que forman parte as bibliotecas escolares e públicas, as librarías da comarca e a partir deste curso os EDLG. Tamén contan coa colaboración do Centro de Información á muller.

As actividades que levan a cabo son as seguintes:

• O obradoiro “Lola de Penelas, unha oleira da terra de Gundivós” . Vai dirixido ao alumnado dos centros educativos da comarca e consiste, por unha banda, nun traballo de reflexión sobre a vida das mulleres oleiras: os roles que tiñan na época e, por outra banda, na elaboración dun libro que plasme en imaxes esta reflexión a través da vida de Lola de Penelas.
• III Certame Mulleres de Lemos modalidade Banda Deseñada. Vai dirixido a alumnado de entre 12 a 18 anos. O participantes terán que elaborar un traballo artístico e creativo en branco e negro que reflicta a historia de Lola de Penelas (extensión de 2 a 4 páxinas).
• III Certame Mulleres de Lemos modalidade Divulgación. Esta modalidade está destinada a maiores de 18 anos que en calquera xénero literario presenten un traballo sobre a protagonista do certame (extensión de 10 a 25 páxinas a dobre espazo, tamaño de letra 12).