Ollade este fermoso vídeo elaborado polo alumnado do CPI de Cervantes no que, a partir da conversa, se pretenden divulgar aspectos e características singulares das músicas na zona de Piornedo, tendo moi presente a perspectiva antropolóxica.

O alumnado realizou entrevistas na radio do centro (Radio Castaña) para documentar a tradición musical da contorna e así coñeceron a José Uría (bailador), Inés Rodríguez (tocadora) e Agustín (cantador de tonada asturiana proxecto).

O proxecto iniciouse aproveitando o interese da rapazada pola música tradicional e a colaboración do centro na Festa da Pandeira que se celebra no mes de agosto no lugar de Piornedo e ten como finalidade mostrar distintos pés da tradición musical (música, canto e baile) da zona na celebración das polavilas. Os protagonistas ensínannos como a curiosidade, a iniciativa e en ocasións a necesidade son algúns dos detonantes máis importantes na aprendizaxe e como as condicións ambientais definen as características culturais dun pobo e forxan un determinado tipo de relacións entre as persoas.