Publicación dixital destinada ao público infantil de seis anos ou máis. Xira arredor das embarcacións tradicionais de Galicia e do mundo do mar. Contén actividades de carácter didáctico que, con propostas prácticas, pretenden dar a coñecer a gran riqueza da nosa frota tradicional e os oficios asociados a ela. Estas actividades poden elaborarse con material de refugallo, sostible e de doado acceso.

O título é un antigo refrán que recomenda darlle a cada cousa o que funciona ben nela (no caso do mar, a madeira). O proceso creativo foi dirixido por Ana Seoane co asesoramento técnico de Culturmar.