Conto destinado fundamentalmente ao alumnado das aulas hospitalarias que ten como eixe principal os nenos e nenas que se van operar. O obxectivo é que saiban todo o que rodea ese proceso e as persoas que van a participar nel. Así o describen as súas autoras, profesionais do Complexo Hospitalario Universitario de Ferrol: a mestra da aula hospitalaria Pilar Porta Rodríguez e a facultativa especialista en Anestesia e Reanimación Esther Moreno López. O ilustrador é Iván Fernández Guillán.