O Centro de Estudos Galegos da Universidade do Minho acolle, en colaboración con Galicia Dixital, a exposición Manuel Rodríguez López. Emigrante galego. Poeta obreiro. O proxecto promóveno diferentes entidades e institucións -entre as que figura a Consellería de Cultura, Educación e Ordenación Universitaria- co obxectivo de renderlle tributo ao folclorista, filólogo, filósofo, literato e pensador político que participou na creación da Real Academia Galega e que chegou a ser considerado un dos autores máis senlleiros da literatura galega do s. XX.