Como en ocasións anteriores, as lectoras da Facultade de Letras da Universidade do País Vasco queren visibilizar as mulleres en diversos ámbitos da sociedade e a cultura. Nesta ocasión, poñen de manifesto a presenza (ou ausencia) de personaxes femininas como protagonistas de novelas, poemas ou relatos na historia da literatura. Así, as profesoras-lectoras de galego, alemán e ruso elaboraron unha exposición na que se mostran diversas mulleres que, imaxinarias ou cunha orixe real, protagonizaron páxinas da literatura alemana, galega e rusa.
Ademais, a exposición estará acompañada dunha serie de conferencias nas que especialistas de cada unha das tres culturas compartirán co público as súas investigacións.