Decimosegunda edición deste curso intensivo de galego do CEG de Leipzig cuxo obxectivo é a adquisición de coñecementos lingüísticos de galego para alcanzar o nivel A1 (MCER).

Desenvólvese do 28 de febreiro ao 11 de marzo no Instituto de Lingüística e Translatoloxía da Universidade de Leipzig. O curso de dúas semanas componse de dúas partes, un curso de lingua e unha introdución á historia e a sociolingüística do galego. Non é necesario ter coñecementos previos de galego, mais posuír coñecementos doutra lingua románica son de utilidade.

Para estudantes da Universidade de Leipzig o curso é gratuíto. Os estudantes doutras universidades poden asistir como oíntes sen pagar as taxas ou pagar 80 euros de matrícula.

Datas de inscrición: 18 de xaneiro ao 22 de febreiro 2022. A inscrición realizarase a través do email sheila.gondar@uni-leipzig.de.