Entre os días 22 e 26 de xuño de 2026, o Estudos Galegos da Universidade de Heidelberg estará na Universidade de Viena para impartir o curso intensivo de Galego II. Trátase dun curso de continuación dirixido ao alumnado que xa realizou algún dos cursos iniciais e que estea interesado en seguir avanzando no coñecemento da lingua galega.

O curso impartirase no Coworking Space Romanistik e conta co recoñecemento de 2 ECTS. A matrícula permanece aberta a través de u:find ata o 19 de xuño ás 10:00 horas.