O Centro Ramón Piñeiro para a Investigación en Humanidades, dependente da Secretaría Xeral de Política Lingüística, e o Instituto de Ciencias da Educación da Universidade de Santiago de Compostela, no marco do proxecto de investigación "Tematoloxía e métodos. As guerras na narrativa xuvenil no marco ibérico", convocan este congreso de carácter multidisicplinar para que estudosos e especialistas interesados no tema poidan compartir as súas investigacións.