Volve O galego campa!, o programa da Secretaría Xeral de Políltica Lingüística e da Dirección Xeral de Xuventude, Participación e Voluntariado destinado a favorecer o uso do galego nos campamentos de verán da Xunta de Galicia e mais a facilitarlle ao monitorado formación e recursos para o desenvolvemento de dinámicas que animen os rapaces e rapazas a se expresar nesta lingua, de acordo coas liñas de traballo que se establecen no Plan de Dinamización da Lingua Galega na Mocidade 2019-2022. Este ano, faino coa colaboración da Secretaría Xeral da Igualdade no marco da campaña Nós contra a violencia, que se engloba no Pacto de Estado contra a violencia de xénero.
A Secretaría Xeral de Política Lingüística volve poñer en marcha esta campaña de verán dirixida á mocidade no marco dos festivais adheridos á iniciativa FEST GALICIA
A Secretaría Xeral de Política Lingüística apoia a celebración da cuarta edición en Nova York do festival Kerouac. que leva a poesía en galego ao outro lado do Atlántico
Xa se coñecen os gañadores de Lingua de namorar, do certame en liña de mensaxes de amor en lingua galega convocado pola Secretaría Xeral de Política Lingüística e pola Dirección Xeral de Xuventude, Participación e Voluntariado da Xunta de Galicia. Dirixido a todos os mozos e mozas de 14 a 35 anos, o obxectivo principal destes premios é dinamizar o uso da lingua galega entre a xente nova nas súas relacións persoais e nas novas tecnoloxías, nomeadamente, na Internet e na mensaxería instantánea.
21 días co galego e + é un programa impulsado pola Consellería de Cultura e Turismo, a través da Secretaría Xeral de Política Lingüística, que ten como finalidade promover o uso do galego oral entre a xente nova.
O programa de dinamización lingüística Nadal en rede volve con máis actividades ca nunca para pechar 2018 e gozar das festas máis luminosas do ano con ocio en galego.
A asociación Kino Galicia, coa colaboración da Secretaría Xeral de Política Lingüística, celebra no Centro de Arte Contemporánea de Santiago de Compostela, do 29 de outubro ao 3 de novembro, a I edición do Maratón Internacional de Creación de Curtametraxes que leva o seu nome.
Ponse en marcha unha nova edición do programa de promoción da lingua galega Toponimízate. Falámosche dos nomes da túa terra. A acción enmárcase nos proxectos Toponimia de Galicia e GeoArpad, impulsados ambos os dous desde a Xunta de Galicia, e coordinarase por primeira vez desde a Real Academia Galega (RAG) en colaboración coa Secretaría Xeral de Política Lingüística.
Bota a andar unha nova edición do FalaRedes, o programa de dinamización do galego da Secretaría Xeral de Política Lingüística para os concellos da Rede de Dinamización Lingüística.