Volver

#ACULTURASEGUE

Camiñantes do noso. Claqueta Coqueta

Obra realizada ao abeiro do Fondo de Proxectos Culturais Xacobeo 21.

Miniserie documental en que o coñecido actor e produtor Rubén Riós percorre 10 etapas da Vía da Prata desde A Canda ata Santiago de Compostela en busca da maxia e da mirada dos anciáns e anciás das poboacións polas que pasa, pois o proxecto ten como obxectivo destacar a importancia da vontade, das ensinanzas, das tradicións e dos recordos deste colectivo que tan azotado está sendo pola pandemia da covid-19. Os testemuños destas persoas cargadas de anos, de sabedoría e de experiencia son os protagonistas e en cada programa xiran arredor dun tema global: Camiño de Santiago, abandono rural, soidade, coronavirus, familia, orgullo galego, violencia de xénero e emprendemento empresarial.