#ACULTURASEGUE
Banco de poemas
Con motivo da celebración, o día 21 de marzo, do Día Mundial da Poesía, a Secretaría Xeral de Política Lingüística desenvolve un programa de recitais en liña que convoca creadoras e creadores para abrir un espazo artístico coral que pon en valor a luz da poesía neste final de inverno pandémico.
Con este fondo de versos creamos un Banco de poemas que consiste nunha creación audiovisual a xeito de patchwork, ou de retallos, de poemas recitados. Cada participante recita tres composicións da súa autoría que pasarán a formar parte dun fondo común e que se emite cada día a partir do 21 de marzo, Día Mundial da Poesía, nunha canle dixital vinculada ás redes sociais da Secretaría Xeral de Política Lingüística: facebook.com/LinguaGalega ou Youtube: https://www.youtube.com/user/politicalinguistica
Os poetas participantes son: Antía Otero, Dores Tembrás, Eduardo Estévez, Celia Parra, Carmen Quinteiro, Eli Ríos, Elisabeth Oliveira, Estíbaliz Espinosa, Samuel Lema París, María Rosendo, Xabier Xil Xardón, Enma Pedreira, Carlos da Aira, Alicia Fernández Rodríguez, Ismael Ramos, María Canosa, María Lado e Nee Barros.