A raíz do curso de formación do profesorado "O coro escolar como actividade integradora", o Centro de Formación e Recursos de Ferrol, dependente da Dirección Xeral de Educación, Formación Profesional e Ordenación Educativa, organizou este acto de celebración da festividade das Letras Galegas.

O vídeo conta coa colaboración de Navantia, que cedeu as instalacións, e da Secretaría Xeral de Política Lingüística. Fundamental é tamén a participación desinteresada do director dos coros, Ramón Bermejo Díaz de Rábago, e da coñecida intérprete Guadi Galego.