O consagrado Certame de Redacción Histórica do CEIP López Ferreiro de Santiago de Compostela actualízase e amplía a súa temática no I Certame de Narración Histórica. O obxectivo deste novo concurso de relatos é recrear a historia e intrahistoria de Galicia a partir da investigación sobre sucesos, personaxes -reais ou lendarios-, datas, monumentos… que foron determinantes no devir histórico da nosa comunidade desde a antigüidade ata o s. XX. Poderá participar o alumnado de 5.º e 6.º de EP e de 1.º e 2.º de ESO de todos os centros educativos galegos.