Serie de montaxes audiovisuais sobre Xapón arredor de diversos elementos e temáticas (culturais, xeográficas, sociais etc.), en xaponés e tradución ao galego, con audio e subtítulos en ambas as dúas linguas. A iniciativa é froito do traballo conxunto entre o alumnado de xaponés da EOI da Coruña e o alumnado de primaria do CEIP Plurilingüe Bragade.

Actividade enmarcada no "Programa 37. Proxectos de innovación en dinamización lingüística" do Plan Proxecta+ 2024/25, co proxecto conxunto "日本から ガリシアまで /nihon kara garishia made/ (De Xapón a Galicia)" entre a EOI da Coruña e o CEIP Plurilingüe Bragade de Oza-Cesuras.