Unha das conmemoracións máis relevantes do curso académico é, sen dúbida, o Día de Rosalía de Castro. Para honrala e deixar pegada no alumnado, os EDLG e o profesorado do 2º ciclo de primaria dos centros CEIP Ramón Otero Pedrayo (Amoeiro) e CEIP Ramón de Valenzuela (Bandeira) elaboraron esta unidade didáctica que engloba actividades de lingua, matemáticas, ciencias sociais e ciencias naturais para afondar nunha das máis ilustres mulleres da nosa terra.