Entre o amplísimo abano de propostas didácticas que ofrece a Biblioteca Xoán Farias do CEIP de Pazos (lecturas, radio, audiovisuais...) atopamos os retos matemáticos da sección Matespazos. A través destes divertidos xogos, o alumnado do centro ferrolán aprende a resolver problemas de cálculo, operacións aritméticas, actividades de xeometría etc. Unha aprendizaxe moi útil para mellorar a competencia matemática e tamén lingüística das nenas e os nenos de primaria.