Con motivo do lanzamento da sonda estratosférica MarumaSat III, a Axencia Espacial Escolar Galega (NOSA) na que están integrados o IES Marco do Camballón de Vila de Cruces, o IES Maruxa Mallo de Ordes e o IES Miraflores de Oleiros convocou o I Concurso de Poesía Estratosférica dirixido a alumnado dos centros públicos galegos.

Logo da excelente acollida desta iniciativa, o xurado seleccionou, o pasado 24 de abril, os poemas gañadores nas catro categorías do concurso. Os textos finalistas serán lidos e, posteriormente, enviados ao ceo no acto de lanzamento da MarumaSat III, que terá lugar en Ordes o vindeiro 7 de maio.