A partir das 17.00 h do vindeiro 7 de xuño, na praza da Tolerancia da Coruña, farase realidade o festival #AquíTaménSeFala. No evento, promovido pola Secretaría Xeral da Lingua e a Deputación e o Concello da Coruña, actuarán algúns dos grupos máis destacados da música galega actual: Grande Amore, BoyanKa Kostova, Leria e Lontreira.

Parabéns e agradecementos aos profesores Arcadio González Novoa e Alberto Pombo e mais ao resto de profesorado e alumnado que colabora no desenvolvemento da campaña polo seu compromiso e a súa grande implicación nesta sorprendente iniciativa.