As argalleiras e argalleiros das letras do IES Castro da Uz das Pontes facilitan o coñecemento da obra de María Victoria Moreno narrando, na súa voz, algúns dos seus relatos máis representativos: Leonardo e os fontaneiros, Onde o aire non era brisa e Guedellas de seda e liño. Excelente traballo do profesorado e alumnado deste centro e cun recoñecemento especial a Cristina Souto, autora da ilustración que preside o blog do club de lectura da Biblioteca desde o que se divulgan estes títulos.