Cumprindo co seu compromiso anual, o profesorado integrado no Seminario Galán comparte con todo colectivo docente os seus recursos didácticos das Letras Galegas 2023. Ademais da cronobiografía ou do álbum de fotos de Francisco Fernández del Riego, tamén nos ofrecen materiais que se poden imprimir en papel (carteis, unidades didácticas, escolma de textos, cuestionario de preguntas, díptico...) e divertidas actividades interactivas en liña, para homenaxear o intelectual galeguista e conmemorar co alumnado de primaria o 17 de maio.