No blog A fiestra da mestra, Patricia Sánchez Lamas, profesora do CEIP Juana de Vega de Oleiros, comparte co profesorado “dúas ducias de coplas para darlle ao miolo”, un recurso educativo que pretende dar a coñecer entre o alumnado de primaria as nosas coplas e cantigas tradicionais. O caderno inclúe xogos e actividades lúdicas moi útiles para empregar nas aulas este ano dedicado ás cantareiras e á poesía popular oral. O material xa está listo para imprimir! Parabéns a Patricia polo traballo e grazas por compartilo!