O EDLG do IESP Rafael Dieste xunto coa Secretaría Xeral da Lingua da Xunta de Galicia, a Área de Lingua e Cultura do Concello da Coruña e a Área de Lingua da Deputación da Coruña organizan a que será xa a terceira edición do festival #AquíTaménSeFala.

Celebrarase o vindeiro 12 de xuño, a partir das 17.00 h, na praza da Tolerancia (A Coruña). Desta volta, o evento contará coa presenza dunha banda internacional: Carolina Deslandes (artista portuguesa con máis dun millón de seguidores nas redes sociais) e coas galegas De Ninghures, Kid Mount e Apolo 18.

Parabéns e agradecementos ao equipo directivo deste centro e mais ao resto de profesorado e alumnado que colabora no desenvolvemento da campaña polo seu compromiso coa dinamización do idioma entre a xente nova.