As sesións formativas desenvolveranse o día 6 de maio en horario de mañá e tarde no Liceo de Ourense, un lugar de especial relevancia na vida de Casares.

Na sesión de mañá, ademais da conferencia inaugural, que impartirá Víctor Freixanes, o novo presidente da Real Academia Galega, haberá relatorios de M.ª del Mar Fernández, Armando Requeixo, Teresa Moure, Alfonso Monxardín e outros especialistas. A tarde estará destinada á presentación de experiencias dos centros educativos, entre ellas as dos centros gañadores do Concurso- Exposición das Letras Galegas 2017.

O obxectivo fundamental desta iniciativa é achegarlle a figura de Carlos Casares a toda comunidade educativa e, alén diso, propiciar no seu seo o intercambio de materiais, recursos e experiencias creados e desenvolvidos polos equipos de dinamización da lingua galega.

O profesorado interesado en participar pode inscribirse ata o 27 de abril de 2017 en: https://www.edu.xunta.es/fprofe/.