A exposición Orgullo da nosa lingua: o galego é un tesouro para compartir chegará en setembro e outubro a catro entidades da Rede de Dinamización Lingüística: Arteixo, Ribeira, Marín e Redondela.

A mostra consta de 9 paneis que percorren particularidades do galego co fin de mostrar o seu valor e a súa riqueza, alimentar o sentimento de pertenza e convidar a cidadanía a falalo. A exposición poderá visitarse por libre ou ben coa guía dunha persoa dinamizadora que atenderá os asistentes en horario establecido por cada concello.

A través dun código QR, os viandantes tamén poderán interactuar desde os seus móbiles e participar no sorteo de distintos premios (entradas, lotes de libros, cadernos...).

Calendario

• Arteixo, do 10 ao 17 de setembro. Anfiteatro. De luns a mércores: de 16:00 h a 20:00 h. De xoves a sábado: de 10:00 h a 14:00 h e de 16:00 h a 20:00 h.
• Ribeira, do 18 ao 24 de setembro. Malecón. Luns, martes e xoves: de 16:00 h a 20:00 h. Mércores: de 10:00 h a 14:00 h. Venres e sábado: de 10:00 h a 14:00 h e de 16:00 a 20:00 h.
• Marín, do 25 de setembro ao 1 de outubro. Paseo Avenida de Ourense (diante do Concello). De luns a mércores: de 16:00 h a 20:00 h. De xoves a sábado: de 10:00 h a 14:00 h e de 16:00 h a 20:00 h.
• Redondela, do 2 ao 8 de outubro. Alameda. Martes e mércores: de 16:00 h a 20:00 h. Xoves, venres e sábado: de 10:00 h a 14:00 h e de 16:00 h a 20:00 h. Domingo de 10:00 h a 14:00 h.