Velaquí seis microdocumentais que perseguen difundir nas redes sociais, a través dun formato audiovisual atractivo, os feitos e historias que orixinaron os nomes de aldeas, leiras ou corredoiras que compoñen algúns dos máis de dous millóns de topónimos de Galicia. Para realizalo, contouse coa colaboración dos veciños de cada un dos lugares cuxos topónimos se analizan, de expertos en lingua, en pedagoxía e no audiovisual.

Cada un dos capítulos está centrado nun dos seguintes lugares: Barcia de Mera, A Coruña, Oleiros, Arteixo, Marzoa e o monte Pindo.