Proxecto audiovisual arredor dos segredos da escaleira helicoidal obra de Domingos de Andrade, a quen a Real Academia Galega de Belas Artes lle dedicou en 2020 o Día das Artes Galegas.

O documental parte de entrevistas a investigadores do Centro Superior de Investigacións Científicas, da Universidade da Coruña e da Universidade de Santiago de Compostela que lle achegan ao gran público as últimas descubertas sobre o proceso de concepción e de construción da escaleira de caracol do convento de San Domingos de Bonaval.